نتذكر ما حدث العـام السـابق قبل يـوم 25 ينـاير عندما علم المصريين بوجود ثورة ستسقط النظـام .. وجدنا الكثير من يقف ضد الثورة وقال البلد هتخرب ..ونحن لسنا تونس .
ولكم بعض ما كتبته علي تويتر
فاكرين كانوا بيقولوا لينا ايه قبل 25 اللي فات كنا بنتهاجم كتير وفي ناس بيقولوا هتخربوا البلد ارجعوا بيوتكم عاوزين ايه بس احنا كملنا طريقنا و مبصناش للي كانوا ضدنا وكملنا و الناس لما حست ان في فايدة و ناس مستمرة وثابتة نزلوا يوم 28 احنا برضه مستمرين وانا واثق اننا هننجح انشاء الله .
احب اقول لكل واحد ضد الثوار اسمع رأي وزير الثقافة بتاع مبارك لما قال مجتمعنا مش مثقف زي تونس لمـا كـان مع خيري رمضـان علي القنوات المصرية التابعة للنظام .. وقال شعبنا لم يتحرك ابدا لانه جـاهل ..وهيكـون دائما ضد الثورة .. فهل تريد ان تكـون من هذه الفئة ؟!! .. فلك الحق في الاختيــار .
ويجب ان نفعـل الاتي لكي ننتصر في ثورتنا :
1- عدم رفع شعــارات قوي سياسية اللي هينزل ينزل باسم البلد ونشيد البلدوالعلم المصري اللي تختاره الاخضر او العلم الحالي .
2-عـدم السماح لشخص ان يهتف لفئة معينة ضد فئة حتي لــو َضــد الاخــوان لان سيوجـد بيننا اخـوان وسلفيين ولا نريد ان يحدث انشقاقات اخري في صفوفنـا .
3-ان يتم توحيد هتافنا لاسقاط العسكر وتسليمـها لاي سلطة مدنية اي ان كـانت لمجلس الشعب وهذا افضل او لحكومة جديدة غير حكومة الجنزوري او لمجلس رئاسي .
4 -مسيـرات حـاشدة تجوب شوارع مصر من اولها لاخـرها ولا نذهب للميـدان في اول اليـوم لانه اصبح ورقة محروقة .
5-عدم ترك الشارع و الرجوع الا بعد اسقاط حكـم العسكر بالكــامل وترك كل السلطة لسلطة مدنية .
وبهذا انا متـأكـد بأن ثورتنا ناجـحة ان شاء الله .. ويجب ان نثق بالله ثم بأنفسنا حتي تتـجح ان شاء الله ….
ثورة ثورة حتي النصر ..ثورة في كـل شـوارع مصر
No comments:
Post a Comment